Ulluni 22. aamma 29. aggusti 2024 Oceans North Kalaallit Nunaat Uummannap Sulluani illoqarfinnut aamma inoqarfinnut assigiinngitsunut arfinilinnut tikeraassaaq. Taamaaliussaagut pissutigalugu innuttaasut naapikkusukkatsigit, najugaanni pissutsit paaserusukkatsigit aamma imartat peqqissut kiisalu aalisarneq piniarnerlu attanneqarsinnaasut pillugit isumaat unammilligassaallu tusarnaarusukkatsigit.
Uummannap Sulluanut tusarniaalluni angalanermi Uummannami, Ikerasammi, Saattuni, Ukkusissani, Niaqornani aamma Qaarsuni arlalinnik siunnersuilluni ataatsimiittoqartassaaq. Septembarimi 2023-mi Nunatta Kujataanut tusarniaalluni angalanertut ONKN-imit innuttaasut, aalisarnermi kattuffiit allallu attuumassutillit aaqqissuussaanngitsumik oqaloqatigineqartassapput. Ataatsimiinnerni qulequttat ONKN-imi suliassaqarfinnut pingaarnernut tunngassuteqassapput, makkuusut:
- Imartat peqqissut
- Imaani uumassusilinnik pisuussutinik attanneqarsinnaasumik atuineq
Oqaloqatigiinneq najukkami inuussutissarsiortunut aamma soqutigisaqaqatigiiffinnut naleqqussarneqassaaq aamma peqataasut tamarmik najukkami unamminernut peqataanissaminnut periarfissaqassapput. Sulinermi sammisat pillugit aamma taasititsisoqassaaq nunami sumiiffinni assigiinngitsuni sanilliussinermut tunngavimmik pilersitsiniarluni.
Ukiuni tulliuttuni nunap ilaani sumiiffinni allani siunnersuilluni oqaloqatiginninnissat ONKN-imit pilersaarutigineqarpoq. Ataatsimiinnernit taakkuninnga pissarsiat ONKN-imit eqqarsaatersuutigineqassapput aamma aalajangiisussanut innersuussutissanut suliattalu ingerlateqqinnissaannut ilaatinneqassapput.
Tusarniaalluni angalanermi matumani ONKN Uummannami sumiiffeqassaaq kisianni ulluinnarni inoqarfinnut tikeraartassapput tusarnaariarlutik. Pilersaarut agguaanneqangajalissaaq, taamaalillutik innuttaasut inoqarfinnut tamanut qaqugukkut tikissanersugut takusinnaassavaat.
Tusagassiorfinnit saaffiginnissutsinut imaluunniit paasissutissat amerlanerusut pissarsiariniarlugit, inussiarnersumik saaffiginnigit:
Jenseeraq Poulsen
Pisortaq, Oceans North Kalaallit Nunaat
+299 483467
