Eqalussuaq pillugu tusagassiuutitigut nalunaaruterput Sermitsiaq-mi ilanngunneqarpoq (13. april):
Sermitsiami eqalussuarmut atatillugu eqqaaqqipput:
“Eqalussuit aalisarnermut akornutaanerat akiorniarlugu eqalussuit ikilisarneqassasut Avannaata Kommuniani kommunalbestryelsi februarimi aalajangerpoq. Tamannali inatsisitigut tunngavissaqanngitsoq Aalisarnermut Piniarnermut Nunalerinermut Imminullu Pilersornermut Naalakkersuisoqarfimmiit naqissuserneqarmat suliaq unitsinneqarpoq. Eqalussuarnik ikilisaasoqassappat, tamanna Kalaallit Nunaata isigineqarneranut innarliisinnaasoq Oceans North Kalaallit Nunaat aamma isumaqarpoq. Eqalussuilli ikilisarneqartariaqartut aalisartut suli isumaqarput.”
Nutaarsiassaq uani atuaruk:
https://kl.sermitsiaq.ag/inuussutissarsiutit/aalisartut-eqalussuit-ikilisarneqartariaqarput/2370268
Eqalussuaq pillugu allaatigisarput tamakkiisa arajutsisimagukku siunissamut ungasissumut aaqqiissutit pillugit paasiniaanissaq siunnersuutigaarput, taamaappat una atuaruk:
“Aalisartut nukillalaarnerat akuersaarparput, kisianni eqalussuit akissarsiutigalugu toqorarneqarnissaat pisortat aningaasaataannik pitsaasumik atuinerunngilaq aamma siunissamut ungasissumut aaqqiissutaasinnaasut misissorneqarnissaannut ukkassiunnaartitsisinnaalluni, taakkuummata saniatigut pisaqartarnermik annikillisitsinissamut aamma atortunik annaasaqannginnissamut iluaqutaasussat,” Jenseraq Poulsen, Oceans North Kalaallit Nunaanni (ONKN) pisortaq oqarpoq. Taamaattumik ONKN-imit eqalussuarnik toqoraanissaq pillugu pilersaarutip piviusunngortinneqassannginnera pillugu nutaarsiassaq nuannaarutigineqarpoq.
Kalaallit Nunaanni massakkut saniatigut pisat annertussusaannik aamma najukkami eqalussuit pillugit aaqqissuussaasumik paasissutissanik amigaateqartoqarpoq. Aalisartut Kalaallit Nunaanni Aalisarnermut Piniarnermullu Nakkutilliisoqarfimmut (KANUAPNA) qaqugukkut, sumi aamma eqalussuit qanoq amerlatigisut pisarineqarnersut kiisalu atortut sumi annaaneqarsimanersut nalunaartarnerup pitsaaninngortinneratigut pingaarutilimmik inissisimalersinnaapput.
Canadami misissuinerup assersuutigalugu takutippaa ningittakkat siornatungaaniittumit nyloniusumit monofiilimik taarsiinerup eqalussuarnik saniatigooralugu pisaqartarneq annikillisingaatsiaraa.
Piniutaarsiutinik qalluineq aamma aalisakkanit eqqagassanik eqqaanissamik pinaveersaartitsinerup eqalussuit aalisarfinnut qanillattornissaannut aamma annikillisitsisinnaavoq.
Eqalussuarnik anusinngortitsiniarluni teknologiimik nutaamik misileraanissamut aningaasanik pissarsiniarluni ONKN-imit Oceans North Canada suleqatigineqarpoq. Aningaasaliisoqarnissaq qulakkeerneqassappat, suliniut ingerlallualerpat kalaallinik aalisartunik qanimut suleqateqartoqarnissaa ONKN-imit neriuutigineqarpoq.
Siusinnerusukkut tusagassiortunut nalunaarutigisarput atuarneqarsinnaavoq:
