Sooq Oceans North Kalaallit Nunaannit (ONKN) immap naqqani aatsitassarsiorneq pillugu titartakkamik filmiliap kalaallisuunngortinneqarnissaa toqqarneqarsimava? Immap naqqani aatsitassarsiorneq Kalaallit Nunaanni inuussutissarsiornermut pingaaruteqarnerpaamut, aalisarnermut, aarlerinartorsiortitsivoq. Taamaattumik ONKN-imit kissaatigineqarpoq immap naqqani aatsitassarsiornermi periutsip nutaap aamma aarlerinartup ajoqutaasinnaasut kingunerisinnaasai pillugit paasititsiniaanissaq. Amerikami avannarlermi suleqatitta titartakkanik filmiliaq taanna pilersitaraat, assillu takutippaat uumasoqatigiinnut immamilu avatangiisinut qanoq kinguneqarsinnaanersoq.
2024-mi marsimi Naalakkersuisut ukiuni marlunnni mianersuussilluni unillatsiarnermut ilanngutissallutik aalajangerput, tassani misissuinissaq akuerisaavoq kisiannilu atuinissaq akuerisaanani. Unillatsiarnerup nalaani immap naqqani aatsitassarsiornermut nunani tamalaani maleruagassat ineriartortinneqarnissaat, aamma immap naqqani aatsitassarsiornerup annikillisinneqarnissaanut qanoq ajortumik sunniuteqarsinnaanerinut misissuineq utaqqimaarneqarpoq. Kalaallit Nunaanni immap naqqani atortussianik nalunaarsuinerit amerlanngillat – kisianni Norge Kalaallit Nunaata imartaata qanitaani immap naqqani aatsitassarsiornissamut akuersissuteqarpoq, tamannalu uumasoqatigiinnut inuuniutitsinnullu aalisarnermut ajoquseeratarsinnaavoq.
ONKN immap naqqani aatsitassarsiornermut nunarsuarmi tamarmi kinguartitsigallarnissamut tapersiivoq, immap naqqani aatsitassarsiornerup sakkortuumik avatangiisinut aarlerinartorsiortitsinngitsumik qanoq ingerlatsisoqarsinnaanera pillugu ilisimasaqarlualernissap tungaanut.
Titartakkamik filmiliaq UANI takuneqarsinnaavoq
