Oceans North Kalaallit Nunaat-ni siunertaraarput suliniaqatigiiffiussalluta nukittooq, piujuartitsinermik toqqammaveqartumik isumaliortaatsinik aqutsinernillu ukkatarinnittoq – Imartatsinni aamma aalisarnermi.
Tamanna tunuliaqutaralugu Oceans North Kalaallit Nunaat januar 2023 qinnuteqarpoq Aalisarnermut Siunnersuisoqatigiinni taaseqataasinnaanani ilaasortatut inissisimalernissaminut, sisoqutigisaqarfimminut aalisarnermut tunngatillugu sunniuteqaqataarusukkami.
Nuannaarutigilluinnakkatsinnik qinnuteqaat akuerineqarpoq, taamaasilluni Aalisarnermi Siunnersuisoqatigiinni taaseqataasinnaanani Oceans North Kalaallit Nunaat-a peqataasinnaanermigut aalisarnermik inuussutissarsiuteqartut suli annerusumik attaveqarfiginissaat periarfissaqalissammat.
Oceans North Kalaallit Nunaat aningaasaateqarfiuvoq avatangiisit pillugit suliniuteqartoq, Naalakkersuinikkut oqartussanut attuumassuteqanngitsoq. Nunatsinni soqutigisaqaqatigiiffiit soorlu kattuuffiit, peqatigiiffiit, inoqarfiit ilisimatusartartullu peqatigalugit imaani pisuussutit uumassusillit piujuarnissaat imartallu avatangiisaannik illersuinissamik siunertaqartumik suliniuteqarpoq. Aningaasaateqarfik 2021-imi pilersinneqarpoq Nuummilu allaffeqarluni.
