Malugeqquarput: Sila patsisigalugu angalanissaq ullormik ataatsimik kinguarpoq, tulliuttuni najugaqarfissinnut tikiffissavut nutartikkat atuarsinnaavatit.
Kalaallit Nunaata kujataani illoqarfiit nunaqarfiillu 17-it Oceans North Kalaallit Nunaat septemberip aallaqqaataaniit 12-iata tungaanut tikeraaqattaassavagut. Taamaaliorniarpugut innuttaasut napikkusukkatsigit, sumiiffinni pissutsit paaserusullutigit aamma imartat peqqissut piujuartitsinerlu tunngavigalugu aalisarnermut piniarnermullu isummersuutit qaangerniagassallu pillugit isummat tusarusukkatsigit.
Sumiiffinni atukkat tunngavigalugit inoqarfinni tamani naapitsilluni ataatsimiisitsinerit Kalaallit Nunaata kujataani tusarniaanerit imaqartinneqarumaarput. Tusarniaalluni angalaniarneq Nuummi 30.maj ONKN-imit tusarniaanermik siullermeerluni ingerlanneqartumik nangitsinerussaaq. Tamaani aalisarnermi inuussutissarsiuteqartut assigiinngitsut saqqummiussinissamut oqallinnermullu aggersarneqarput. ONKN-imi maanna siunissamilu suliarineqarsinnaasut qulit akornanni pingaarnerit pingasut peqataasunik ilisarnarunnaarsakkanik taasisitsinissaq aamma ingerlanneqassaaq.
Maanna tusarniaalluni ataatsimiisitsinerit kippariffaarissutut ingerlannagit kisiannili oqaloqatiginninnerunertut aaqqisssugaassapput. Samminiarneqartut ONKN-imi pingaarnerutillugit suliarisanut sammiveqassapput, taakkulu tassaapput:
- Imartat minguitsut (peqqissut)
- Imaani pisuussutinik uumassusilinnik piujartitsineq tunngavigalugu atuineq
Oqaloqatigiinnerit sumiiffinni inuussutissarsiutinik ingerlatsisunut soqutigisaqaqatigiinnullu nalimmassarneqarumaarput, soorlu aamma peqataasut tamarmik sumiiffinni unammisitsinernut aamma ilaasinnaajumartut. Nunami tamarmi sumiiffinniit sumiiffinnut assersuussisinnaanissaq uuttortarsinnaajumallugu suliassat pillugit aamma taasisitsisoqarumaarpoq.
Ukiuni tulliuttuni ONKN nunap immikkoortuini allani tusarniaanermi ataatsimiinnernik ingerlatsinissaq pilersaarutigaarput. Ataatsimiinnerni taakkunani pissarsiarineqartut ONKN-imit eqqarsaatigeqqissaarneqarumaarput aalajangiisartunullu innersuutigisassanut inaarinninnermi eqqarsaatigisanut ilanngunneqarumaarlutik, soorlu aamma suliatta ingerlateqqinnissaanut aamma atorneqarumaartut.
Uani tusarniaaniarluni angalanermi pisortat oqartussaqarfii arlallit angallammi ”Tuluk”-mmi angalaqatigineqarumaarput. Qaqugukkut sumiiffinnut tikinnissat ataani nalunaarsorneqarput.
Tusagassiorfinniit saaffiginninnissamut sukumiinerusumilluunniit paasissutissanik pissarsiaqarusunnermi saaffiginnittoqarsinnaavoq uunga:
Jenseeraq Poulsen
Oceans North Kalaallit Nunaanni pisortaq.
+299 483467
Nutartigaq paasissutissat:
